Սիլ Գրուպի բակում դիզայներ Անկա Սուքիասյանը ներկայացրեց իր առաջին ցուցադրությունը Հայաստանում: Բացօթյա շոուի բացումը վստահված էր Իվետա Մուկուչյանին, ով դարձավ «ANKASA»-ի խելահեղ երեկոյի առաջին մասնակիցը. « Ես շատ եմ սիրում թե´ Անկային և թե´ «ANKASA» հագուստի հավաքածուն: Նա գիտի թե ինչպես casual ոճը կապի էլեգանտի հետ և ամենակարևորը այդ ամենն անում է շատ ճաշակով»․ Իվետա Մուկուչյան
ANKASA-ի 2020 աշուն-ձմեռ նոր հավաքածուն՝ շքեղի և ամենօրյա ոճերի համակցությամբ ստեղծված street style կերպարներ էին, որոնք ներկայացված էին մեծամասամբ սևի, սպիտակի, նյուդի, մոխրագույնի տարբեր երանգներով:
«TRUE LOVE BY ANKASA» խորագրով հավաքածուի ցուցադրության միջոցով դիզայները փորձել էր ոչ միայն իր սերն արտահայտել նորաձևության հանդեպ, այլև իր հյուրերին ներկայացնել street style-ի իր պատկեացումները, որոնք տարբերվող էին, հարմարավետ, ոճային և հետաքրքիր ձևվածքներով. «ANKASA fashion-ի նոր հավաքածուն անվանել եմ TRUE LOVE BY ANKASA, որտեղ մեծամասամբ ներկայացնում եմ street style ոճի հագուստներ և գերակշռում են սև-սպիտակ գույներն ու նյուդի երանգները». Անկա Սուքիասյան
Ցուցադրությանը ներկա էին Սուքիասյան և Ծառուկյան ընտանիքները, բազմաթիվ հայտնի հյուրեր, ովքեր արդեն հասցրել էին ձեռք բերել նոր հավաքածուից որոշ նմուշներ և հենց այդ կերպարներով էլ ներկայացել էին: Այս հյուրերից էր, իհարկե, Ավետ Բարսեղյանը, ով խոստովանեց, որ վաղուց է կրում «ANKASA» և շատ է սիրում այն. ««ANKASA» նորաձևության տան հագուստը միայն այսօր չէ որ կրել եմ այստեղ ներկայանալու համար, արդեն մեկ տարի է, ինչ ճանաչում եմ դիզայներին և հավանում եմ նախ հարմարավետությունը և այն, ինչ որ անում է Անկան, իմ ճաշակով է: Ես վստահ եմ, որ դեռ այս բրենդի անունը շատ ենք լսելու»․ Ավետ Բարսեղյան
Հավաքածուն տարբերվում էր նաև Անկա Սուքիասյանի հետաքրքիր դիզայներական լուծումներով, մտածելակերպով և այդ ամենի արտահայտման տարբերակներով: Ինչպես նաև հյուրերի մեծամասնությունը, այդ թվում նաև Նազենի Հովհաննիսյանն արդեն հասցրել էր հավաքածուից առանձնացնել իր ոճային ընտրությանը համապատասխան հետաքրքիր տարբերակներ: «Միանշանակ կային այնպիսիք, որ ես կկրեի և ինձ շատ է դուր գալիս, թե ինչպես է մտածում նա. պրակտիկ, միևնույն ժամանակ գեղեցիկ, հետաքրքիր, որը կարող ես կրել երեկոյան տարբեր առիթներին և այդպիսով երևալ թվացյալ առօրեական, սակայն երբեք սովորական: Ես շատ ուրախ եմ, որովհետև սա մի նոր ասելիք է հայկական նորաձևության մեջ»․ Նազենի Հովհաննիսյան
Ցուցադրությունը վստահաբար հավանել էին բոլորը և այն դեռ երկար կմտապահեն հյուրերը, քանի որ հետաքրքիր դիզայներական հագուստներից բացի, այն հրաշալի կազմակերպված շոու էր:
Special Partners:
MakeUp Studio Armenia
Hranush Yeghoyan
Flowers Design: Prestige Wedding Planner
Eyewear: DANZ.am
The Band Armenia
Karina Arustamyan
DJ Ocean
VOG.am / VOG Team
Founder, Director: Nune Martirosyan
Chief Editor: Marine Manjikyan
Journalist | TV Host: Arus Mirzoyan
Photographers:
Milen Manukian
Minas Ghazaryan
Sahak Saghatelyan
Cameramans:
Arthur Soghomonyan
Karen Galstyan
Video Editing: Vardan Sanoyan