VOG-ը բացառիկ նկարահանում իրականացրեց «Միսս տիեզերք 2020»-ի հայաստանյան ներկայացուցիչ Մոնիկա Գրգորյանի հետ, ում կհիշեք նաև «Միսս աշխարհ Արմենիա 2019» մրցույթից, որտեղ նա արժանացավ «1-ին վիցե-միսս» տիտղոսին։
Dress by Kevork Shadoyan
Մոնիկա Գրիգորյանն այս օրերին իր ամբողջ ժամանակը տրամադրում է մայիսի 16-ին, ԱՄՆ-ի Մայամի քաղաքում կայանալիք «Միսս տիեզերք» մրցույթի նախապատրաստական աշխատանքներին. «Ապրիլի 29-ին մեկնել եմ Նյու Յորք` վերապատրաստման, իսկ այժմ Մայամիում եմ»: Մոնիկայի խոսքով մրցույթում միայն գեղեցիկ լինելը բավարար չէ, կարևորվում են նաև կանացի ինքնավստահությունը, գրագետ և կշռադատված՝ միտք ու խոսք ունենալը:
Հաշված օրեր են մնացել մրցույթին, թեև հուզմունքն ու լարվածությունն անբացատրելիորեն շատ են, այնուամենայնիվ, հավատացնում է, որ իրեն ինքնավստահ է զգում. «Ես պատրաստ եմ պատվով ներկայացնել Հայաստանը և այս ամբողջ ընթացքում ներդրել եմ իմ ամբողջ ուժը և շարունակում եմ այդպես»:
Բնավորության ամենավատ գիծը համարում է այն, որ շատ շուտ է հիասթափվում. «Իսկ բնավորությանս ամենալավ գիծը երևի թե այն է, որ երբեք չեմ չարանում մարդկանց հանդեպ և փորձում եմ միշտ ներողամտորեն մոտենալ և ժպիտով պատասխանել»:
-Առավոտյան արթնանալուց անմիջապես հետո, առաջին բանը, որն անում եք:
-Անպայման մեկ բաժակ ջուր եմ խմում:
-Առանց ինչի՞ չեք կարող ապրել:
-Առանց քաղցրի (ծիծաղում է):
-Ինչպիսի՞ մտքեր եք ունենում լուսանկարահանումների ժամանակ:
-Միայն մեկն է` ունենալ լավ արդյունք:
-Ե՞րբ եք Ձեզ գեղեցիկ զգում:
-Երբ բարի գործ եմ կատարում:
-Ձեր կյանքում ամենահամարձակ քայլը:
-Ազգային մրցույթում իմ մասնակցությունը:
-Առաջինն ի՞նչն է գալիս Ձեր մտքին, երբ հիշում եք Ձեր մանկությունը:
-Սիրով լի և համերաշխ ընտանիքս:
-Տասը տարի հետո ի՞նչ կասեիք ինքդներդ Ձեզ:
-Ինչու՞ էիր այդքան վախկոտ:
-Հինգ տարի առաջ ի՞նչ կասեիք Ձեզ:
-Շատ կարդա´:
-Նվեր, որն ամենաշատն եք հավանել:
-Տատիկիս նվիրած խաչը, որը միշտ կրում եմ:
-Ըստ Ձեզ Ձեր կարիերայում ամենամեծ ձեռքբերումը:
-Այն, որ կարճ ժամանակահատվածում սիրվեցի հանրության կողմից:
Promo
Founder, Director: Nune Martirosyan
Chief Editor: Marine Manjikyan
Journalist: Arus Mirzoyan
Photographer: Milen Manukian | Icon
Fashion Designer: Kevork Shadoyan
Hair Accessories: Nana Christyle
Earing: Arsy Accessories
Bouquet: Punj Design
Make Up: Ofel Asatryan
Hair Style: Svetlana Gasparyan