VOGUE

Kids Fashion: Ինքնատիպ և համարձակ մոդել․ Յանա Իսահակիս



VOG.am-ի փոքրիկ, բայց միևնույն ժամանակ շատ ինքնատիպ և համարձակ մոդելների մասին սկսում է պատմել VOG.am-ը։ Մեր փոքրիկ զրուցակիցը՝ մոդել Յանա Իսահակիսն է։


Մոդել դառնալու ցանկությունը, ո՞ր տարիքից է սկսվել քեզ մոտ և ինչքա՞ն ժամանակ է, որ զբաղվում ես դրանով:

Դեռ փոքր տարիքից սիրում էի շորիկներս հագնել ու թիթիզիկի պես քայլել։)

Ինչպե՞ս ես սկսել քո մոդելային կարիերան:

5 տարեկան դեռ չկայի,երբ առաջին անգամ մայրս ինձ տարավ մոդելային դպրոց և մինչ օրս զբաղբում եմ այդ գեղեցիկ արվեստով։ Մոդելային կարիերաս սկսվեց UCAN մոդելային ստուդիայից՝ Մանե Մխիթարյանի հետ առաջին իսկ հանդիպումից։

Քեզ դո՞ւր է գալիս մոդելի աշխատանքը։

Իհարկե, քանի որ ճաշակ է զարգացնում՝ ճիշտ և գեղեցիկ քայլելու, զգեստի և աքսեսուարների ճիշտ կրելու, գույների գեղեցիկ համադրության արվեստ է այն։


Ի՞նչ խորհուրդ կտաս այն փոքրիկ աղջիկներին, ովքեր երազում են մոդելի կարիերայի մասին:

Իմ խորհուրդը բոլոր հասակակիցներիս, հատկապես աղջիկներին՝ կարծում եմ, որ շա՜տ պիտանի և կարևոր է հաճախել մոդելային դպրոցներ։ Առավել ևս, որ դա երազանք է, քանի որ ճաշակը մանկուց է ձևավորվում և դրա հետ մեկտեղ կունենաք գեղեցիկ, սլացիկ, ինքնավստահ քայլվածք, ազատ հաղորդակցում շրջապատում՝ մարդկանց հետ առանց խոչընդոտների։

Ինչպե՞ս ես անցկացնում ազատ ժամանակդ:

Գրեթե չեմ ունենում ազատ ժամանակ։ Դպրոցից հետո հաճախում եմ սպորտի՝ մեծ թենիս, պարի և մոդելային ստուդիաներ։ Երբ մի փոքր ժամանակ եմ ունենում դիտում եմ Fashion TV և նկարում եմ։

Դու ունե՞ս հոբբի։

Այո, իմ հոբբին է նկարելը։ Որոշել եմ դառնալ նաև հագուստի մոդելավորող, որ հետագայում ցուցադրեմ իմ հավաքածուն ևս։


model: @yanaisahakisofficial

VOGUE Armenia | VOG.am

#vogkidsfashion

____________

VOG team | @vog.am

Founder, Director: Nune Martirosyan

Chief Editor: Marine Manjikyan

Look: Bandito

Photographer: Rubina